प्रतिनिधी
नाशिक
गंभीर स्वरुपाचे गुन्हे दाखल असलेल्या योगेश कडाळे टोळीच्या चौघांची नाशिक शहर व जिल्हा हद्दीतून दोन वर्षांसाठी तडीपार करण्यात आले आहे. परिमंडळ एकचे पोलीस उपायुक्त अमोल तांबे यांच्या आदेशान्वये तडीपारीची कारवाई करण्यात आली आहे. टोळीप्रमुख योगेश कडाळे (22), उमेश गायकवाड (20), कैलास भांगरे (19), अंकुश निकाळजे (19) असे तडीपार करण्यात आलेल्या चौघांची नावे आहेत. योगेश कडाळे हा सराईत गुन्हेगार असून त्याच्या टोळीविरोधात परिमंडळ एकमधील विविध पोलिस ठाण्यांमध्ये सोनसाखळी ओरबाडण्यासह गंभीर स्वरुपाचे गुन्हे दाखल आहेत. याप्रकरणी पोलीस उपायुक्त अमोल तांबे यांच्याकडे हद्दपारीसंदर्भात प्रस्ताव होता. त्या प्रस्तावानुसार त्यांनी कडाळे टोळीच्या प्रमुखांसह चौघांची येत्या दोन वर्षांसाठी शहर व जिल्हा हद्दीतून तडीपार केले आहे.