📰 MUMBAI MITRA EXPOSE
——-
◆ वर्सोवा मेट्रोत खुलेआम ड्रग्ज सेवन
◆ मेट्रोच्या सुरक्षा व्यवस्थेवर प्रश्नचिन्ह
——–
विशेष प्रतिनिधी, मुंबई
नुकताच मुंबई मेट्रोचा असाच एक सीन सोशल मीडियावर व्हायरल झाला. ज्याने पुन्हा एकदा सर्वांनाच धक्का बसला आहे. इंस्टा पेजवर अंधेरी वेस्ट शिटपोस्टिंग नावाचा एक व्हिडिओ पोस्ट करण्यात आला आहे. या व्हिडिओमध्ये वर्सोव्याला जाणाऱ्या मेट्रो ट्रेनमध्ये एक प्रवासी ड्रग्ज सेवन करताना दिसत आहे.
अशा स्थितीत चालत्या मेट्रोमध्ये इतर प्रवाशांच्या शेजारी बसून खुलेआम ड्रग्ज सेवन करणाऱ्यांचा व्हिडिओ व्हायरल झाल्यानंतर मुंबई मेट्रोची अवस्थाही दिल्ली मेट्रोसारखी झाली आहे, असे म्हटल्यास अतिशयोक्ती ठरणार नाही. आता दिल्ली मेट्रोप्रमाणे मुंबई मेट्रोमध्येही प्रवाशांच्या सुरक्षेवर प्रश्नचिन्ह निर्माण झाले आहे.
ही घटना रात्री 9:47 च्या सुमारास घडली. चाकाला स्थानकाजवळून जात असलेल्या मेट्रोमध्ये एक व्यक्ती अंमली पदार्थांचे सेवन करताना आढळून आली. हा व्यक्ती अंधेरी स्टेशनवर उतरला होता, हा व्हिडीओ पोस्ट झाल्यापासून व्हायरल होत आहे, त्यावर लोक वेगवेगळ्या कमेंट करत आहेत.
मात्र अद्यापपर्यंत मुंबई मेट्रोचे अधिकारी किंवा स्थानिक अधिकाऱ्यांकडून कोणतेही अधिकृत वक्तव्य आलेले नाही.
===
व्हिडीओवर कमेंट्सचा पाऊस
* एका यूजरने या व्हिडिओखाली हा व्हिडिओ दिल्ली मेट्रोचा तर नाही ना ? असे लिहिले आहे.
* पोस्ट केलेल्या व्हिडिओच्या खाली कॅप्शनमध्ये असे लिहिले आहे की, आता मुंबई मेट्रोमध्ये न्यूयॉर्कच्या सबवेसारखी घाण होत चालली आहे.
* दुसऱ्याने मुंबई पोलिसांवर ताशेरे ओढले आणि लिहिले, “मुंबई पोलीस तुम्ही झोपेत आहात का? या लोकांना ही अवैध सामग्री मिळते कुठून ?“
* एक यूजर लिहितो, ‘आम्ही निळी रेषा, लाल रेषा आणि पिवळी लाईन बदलत आहोत, तर हा भाऊ पांढऱ्या रेषावर अडकला आहे.’
* हा व्हिडीओ पोस्ट करणाऱ्या व्यक्तीचा कुणीतरी खरपूस समाचार घेतला आणि लिहिले की, ‘त्यानेही हा व्हिडिओ काढला आणि त्याविरोधात एक शब्दही न बोलता तो सोशल मीडियावर पोस्ट केला.
* अशा स्थितीत बहुतांश युजर्सनी या घटनेबद्दल खेद व्यक्त केला आहे.
