📰 MUMBAI MITRA FOLLOW UP
——-
◆ वसई-विरार नंतर डोंबिवलीतही वाईन शॉप बाहेरच ओपन बार
◆ वाईन शॉप बाहेरच मद्यपींचे मद्यप्राशन
——–
विशेष प्रतिनिधी, डोंबिवली
सध्या सर्वत्र अवैध पब, बार, ढाबे यांच्यावर सध्या कारवाईचा सपाटा सुरू आहे. अशात वसई-विरार नंतर आता डोंबिवलीतही ओपन बार पहायला मिळत आहेत. डोंबिवली स्टेशन बाहेर असलेल्या वाईन शॉप बाहेरच मद्यपीनी ओपन बार थाटला आहे. तिथेच ते दारू पित असतात. तिथून हाकेच्या अंतरावर पोलीस स्टेशन आहे. पण त्यांना कसलीही भिती नाही. या ओपनबारची जनतेने तक्रार केली. त्यानंतर पोलीस आणि महापालिकेने कारवाई केली. पण ती तेवढ्या पुरताच होती. पुन्हा तीच स्थिती त्या ठिकाणी होती. त्यामुळे त्या विरोधात काही ठोस कारवाई कोणी करणार आहे का? असा प्रश्न डोंबिवलीकर विचारात आहेत.
मुख्यमंत्र्यांच्या आदेशानंतर कल्याण-डोंबिवली महापालिकेच्या आयुक्त इंदूराणी जाखड, पोलीस उपायुक्त सचिन गुजांळ यांनी कल्याण डोंबिवली शहरातील अवैध बार, डान्स बार, ढाबे, टपऱ्यांवर कारवाई सुरु केली. अनेक ढाबे, डान्सबार, टपऱ्या महापालिकेने पोलीस बंदोबस्तात जमीनदोस्त केल्या आहेत. अवैध कृत्य रोखण्यासाठी पोलीस आणि महापालिकेकडून मुख्यमत्र्यांच्या आदेशानंतर कारवाई सुरु झाली. असे असले तरी शहरात अनेक ठिकाणी आजही अवैध गोष्टी सर्रास सुरू आहेत. वाईन शॉपच्या बाजूलाच दारुचा ग्लास भरुन उघड्यावर मद्यपान करण्याचे प्रकार सुरू आहेत. काहींचे तर भर रस्त्यात मद्यपान सुरु असते. याचा त्रास नागरीकांना होतो. महिला, लहान मुले हे दृश्य उघड्या डोळ्यांनी पाहत असतात. काही मद्यपी छेडछाडही करतात.
डोंबिवली स्टेशन परिसरात वाईन शॉप आहेत. तीथे मद्यपी दररोज वाईन शॉप बाहेरच दारू पित बसलेले आढळून येतात. या विरोधात तक्रारीही करण्यात आली. त्यानंतर रामनगर पोलीस आणि केडीएमसीच्या सहाय्यक आयुक्त हेमा मुंबरकर यांनी त्याठिकाणी धाव घेतली. पोलिसांनी मद्यपींना पिटाळून लावले होते. ज्या ठिकाणी हे मद्यपी दारु पितात, ते कट्टे ही जमीनदोस्त केले. मात्र तरीही हे प्रकार सुरू आहेत. त्यामुळे या मद्य पिणाऱ्यांना तिथे मद्य पिण्यास अटकाव करण्याची जबाबदारी नक्की कोणाची हा प्रश्न निर्माण झाला आहे. रामनगर पोलीस ठाण्याच्या हद्दीत हा प्रकार होत आहे. काही महिन्यापूर्वी या पोलीस ठाण्याच्या हाकेच्या अंतरावर काही तरुण हुक्का पित असल्याची धक्कादायक घटना समोर आली होती. या घटनेतून पोलिसांनी धडा घेतला नाही. त्यामुळेच मद्यपीचे धाडस वाढले आहे. यावर ठोस कारवाई कधी केली जाणार असा सवाल येथील नागरिकांकडून उपस्थित केला जात आहे.
—–
◆ …येथे कारवाईचे भय नाही!
◆ वसईत बिअर शॉपवर कारवाई होऊनही ‘मानकर बिअर शॉप’मध्ये ‘देर रात…! जाम पे जाम!’
——–
विशेष प्रतिनिधी, वसई
वसईत मागील आठवड्यात राज्य उत्पादन शुल्क विभागाकडून ‘दारु बंदी’कायद्या न पाळणाऱ्या 3 बिअर शॉपवर धाड टाकून कारवाईकरुन सुद्धा वसईत राज्य उत्पादन शुल्क विभागाच्या कारवाईला न जुमानता ‘देर रात…! जाम पे जाम!’ अशी परिस्थीती वसई चुळना येथील ‘मानकर बिअर शॉप’ मध्ये असल्याचे चित्र ‘दै. मुंबई मित्र’च्या स्टिंग ऑपरेशनमध्ये दिसून आले आहे.
रात्री 11.37 वाजता ‘मानकर बिअर शॉप’मध्ये ग्राहकांना ग्लास सहीत बिअर पिण्याची सोय करुन दिली जात असून, राज्य उत्पादन शुल्क विभाग नक्की काय कारवाई करतो? ज्यामुळे बिअर शॉप चालकांकडून अधिक कायदे तोडले जात आहेत. असा सवाल आता नागरीक विचारू लागले आहेत.
याचा परिणाम महाभयंकर होत असून, महिला, लहान मुले हे दृश्य उघड्या डोळ्यांनी पाहत असून महाराष्ट्रात कायद्याचे राज्य आहे की नाही अशी एकंदरीत परिस्थीती आहे. या प्रकारामुळे मद्यपींचेही धाडस वाढले असून याला सर्वस्वी जबादार राज्य उत्पादन शुल्क विभाग असून यावर ठोस कारवाई कधी केली जाणार असा सवाल वसईच्या नागरिकांकडून उपस्थित केला जात आहे.
