📰 MUMBAI MITRA EXPOSE
——-
सावंतवाडीमध्ये गुटखा विक्रेत्याच्या गोडाऊनवर छापा
——–
विशेष प्रतिनिधी, सावंतवाडी
अन्न व औषध प्रशासनाच्या मुंबई व सिंधुदुर्ग विभागाच्या भरारी पथकाने बुधवारी सायंकाळी सावंतवाडी शहरातील एका अवैधरित्या व विनापरवाना होलसेल गुटखा विक्री करणाऱ्या एका व्यावसायिकाच्या गोडाऊनवर छापा टाकून कारवाई केली. या कारवाईमुळे सावंतवाडी शहरात खळबळ उडाली आहे. सावंतवाडीत अवैधरित्या गुटखा विक्री होत असल्याची माहिती अन्न व औषध प्रशासनाच्या मुंबई व सिंधुदुर्ग विभागाच्या पथकाला मिळाली.
त्यानुसार दोन्ही विभागाच्या पथकांनी सावंतवाडीत तळ ठोकला.शहरात अवैधरित्या व विनापरवाना होलसेल गुटख्याची विक्री व साठा करून ठेवल्याची माहिती घेत होलसेल विक्री करणाऱ्या मालकाचा शोध घेत त्याच्या गोडाऊनवर छापा टाकला. यात लाखो रुपये किमतीचा अवैध गुटख्याचा साठा आढळला.या प्रकरणी संबधित व्यावसायिकाला पथकाने ताब्यात घेतले आहे.पथकातील एका अधिकाऱ्याने या कारवाईला दुजोरा दिला आहे.
